Härzlech willkomme uf minere Homepage! Ich bi de Martin Stocker, churz: "de Stocker" und wohne im wunderschöne Freiamt.
Eis vo mine gröschte Hobbys isch sit villne Johre s'Jasse.
Im Novämber 1997 han ich zäme mit em Fredi und de Bene i de Linde in Müswange de erschti Partner-Jass-Marathon uf d'Bei gschtellt. De Erfolg isch riesig gsi und die grossi Müe het sech glohnt, isch doch Müswange mittlerwile zunere Jass-Hochburg worde und Euisi Marathons sind wit ume bekannt. Mir sind Garant für en fairi und speditivi Organisation und d'Chuchi vo de Linde machts ebeso.
Sit em Johr 2000 organisier ich pro Monet zweimal en Partnerschieber und dä het denn scho gli "Stocker-Jass" gheisse. Vieli Jasser sind regelmässig debi und es macht Spass.
Im Januar 2005 hämmer denn wieder zäme de erschti Team-Marathon-Jass duregführt, au das wird zunere feschte Institution!Ich würd mich freue, Dich au mal amene Jass bi mir törfe z'begrüesse! Sit em 2007 gits au na regelmässig en Coiffeur-Partnerschieber.